您的位置: JRS爱看球直播 > 英超 > 英超资讯 > 简谈切尔西新兵带来的隐忧及挑战

简谈切尔西新兵带来的隐忧及挑战

作者:网络    英超发表于:2020-09-15 10:23

经过一个疯狂嘅转会窗后,车路士阵容实力大大提升,因此外界对今年车路士嘅成绩有好大期望。不过就个人而言,要谈成绩仍然係言之尚早。係呢到就泼一下冷水,讲下新兵带来嘅隐忧。


https://i.imgur.com/I0EjVmx.jpg


       首先当然係适应同磨合嘅问题。车路士购入嘅六位球员中,有五个都係必然正选级别,换句话说,即係换咗半队波走。而当中就只有捷维尔係英超出身,其他球员都係来自其他联赛,所以对于联赛嘅适应会需要一段时间。而且今季季前集训时间短,原本球员之间建立默契嘅机会已经唔多,再加上伤患同隔离嘅关係,5人当中只有添姆云拿有参加大部份操练(泰亚高因为隔离到而家都仲未练过波),所以可以预料季初队波会踢得比较乱。

       

不过以上讲嘅都係时间能解决,个人更大嘅忧虑係林柏特如何善用新加盟嘅进攻球员。薛耶治、云拿、夏弗斯预料会係今季嘅进攻主力,但呢3名球员係位置上皆颇为模糊,而呢类球员通常都需要消耗球队额外资源。以薛耶治为例,佢嘅最佳位置係右翼,但众所周知佢并非一名正统翼锋,而更接近一名mezzala中场。係进攻时薛治习惯从右翼位置拐入half space及zone 14,为惯用嘅左脚展开更广嘅出球角度。与此同时,薛耶治欠缺翼锋应有嘅爆破及纵向跑动能力,因此右边边路进攻会完全交比右闸负责。当右闸需要兼任右翼嘅进攻任务时,代表右路嘅防守会变得薄弱,然后中场就需要参与更多防守横移,而中坚又要做更多上抢以弥补中场中空,最后门将亦要随着整体队形而向前移动。

       

云拿亦有机会出现类似情况。根据早前热身赛嘅阵式,估计云拿将会出任正中锋。云拿擅长係后卫之间嘅空位前插,捕捉反越位嘅一刻。要发挥云拿最大效用,就要将佢门向龙门方向,所以可以预料云拿唔会好似一般中锋咁参与太多背身任务。故此,球队就需要用另一个球员担任前场嘅第一个触球点,可能係攻中亦可能係前锋,但无论如何点都係会令球队减少咗一个出球点,呢个时候中坚嘅用球能力就显得更重要。

       

以上讲嘅呢点有好有唔好,好嘅係个别位置有额外输出(e.g.翼锋嘅额外创造力、前锋嘅额外纵向跑动),唔好嘅係其他球员需要参加更多工作以弥上述位置嘅缺失。

       

至于夏弗斯嘅情况就完全相反,佢能够出任好多位置,包括10号、8号、false9同右翼,但踢得多位置就唔等如每个位置都能够发挥佢嘅最大效用。通常使用呢类进攻多面手嘅最佳方法就係给予佢地自由度,就好似以前夏萨特同山齐士咁,不限制于位置,尽情发挥佢地係场上能够做到嘅嘢。但当车路士场上已经有薛耶治、云拿、佩利锡时,真係好难预料能够给予夏弗斯几多自由度。如果将夏弗斯定位为一个8号box-to-box中场的话,又好似会浪费咗佢嘅进攻天赋。

       

最后就係活动空间嘅问题。如果有睇过heat-map,就会发现夏弗斯同薛耶治、以及云拿同佩利锡嘅图表形状係好接近。佢地4个都係错脚进攻球员,夏弗斯同薛耶治左脚踢右边,云拿同佩利锡右脚踢左边,佢地都中意从边路cut in到half space位置,所以係场上嘅活动空间亦好相似。呢一点亦係有好有唔好。好嘅係球员之间能够互相换位,增加流动性;但夹得唔好就好容易会撞位,互相堵塞空间。

       

https://i.redd.it/dtfedy3n65l51.png


讲到尾,以上讲嘅都係隐忧,而唔係实际存在嘅问题(防守就係实际问题啦)。对于只有两季执教经验嘅林柏特嚟讲,拥有一个如此昂贵嘅阵容既係幸运,亦係挑战。要如何善用及调整呢班进攻球员将会係林柏特本季最大课题。

       

相关资讯

全部英超资讯 >

网站地图

沪ICP备18031952号-11 | Copyright 2014-2020 ©aikanqiu.com, All rights reserved.

免责声明:本站所有直播和视频链接均由网友提供,如有侵权问题,请及时联系,我们将尽快处理。

直播源合作联系方式:aikanqiu@gmail.com