您的位置: JRS爱看球直播 > 英超 > 英超资讯 > 切尔西对利物浦:一场被犯错主宰的比赛

切尔西对利物浦:一场被犯错主宰的比赛

作者:网络    英超发表于:2020-09-22 10:27


https://cdn.vox-cdn.com/thumbor/9p_CexjPnNDyMnip0X-l-iq7OAA=/0x0:4798x3227/1200x800/filters:focal(2416x651:3182x1417)/cdn.vox-cdn.com/uploads/chorus_image/image/67438533/1273705435.jpg.13.jpg


切尔西今场明显以防守反击为主要战术,以云拿同夏弗斯嘅速度攻击利物浦嘅高位防守。另一方面,林柏特亦下调咗迫抢强度,当利物浦係后场用球时切尔西会用前场3人加1名中场球员对上利物浦嘅4名后卫,不过唔会主动逼抢,而係以干扰同遮线为主,意图防止利物浦作出长传。当利物浦越过中场线后,切尔西就会停止逼抢转为全军退守,将控球权让比利物浦。咁做係咗吸引利物浦防线前压,製造空间比云拿同夏弗斯打反击。今场切尔西嘅PPDA高达40.9,虽然好大程度係因为下半场,但亦可以见到切尔西故意被动嘅战术。

       

林柏特嘅计划成功咗一半,切尔西嘅防守令利物浦难以组织起有效攻势。切尔西将人数集中係中路,利物浦无法突破重围,沙拿文尼发展唔到佢地引而自豪嘅速度。不过切尔西同样亦打唔起反击,云拿同夏弗斯虽然有数次突破机会,但都比对方化解。今场利物浦后卫发挥出色,尤其係打替工嘅法宾奴,本场录得4次拦截(全场最多)、4次抢断(全场第2多),多次成功阻止云拿嘅反击。因此,上半场双方都冇咩射门,两队係45分钟前累积到嘅xG分别係0.36(利)同0.03(切)。

       

原本一切都尚算在林柏特嘅计算内,直到基斯甸臣嘅红牌出现。当时切尔西刚刚完成进攻,大部份球员仍然係利物浦嘅半场,轩达臣把握到切尔西全场唯一一次嘅后防空虚,向文尼送上一记绝妙长传。基斯甸臣被文尼以速度压倒,以超技术将对方拉跌,最终食红牌离场。係呢到可以睇到两个主要犯错,首先係基斯甸臣嘅决定,当时基柏见状后已立刻出迎,睇返replay见到佢係稍稍快文尼一步,理应係可以清走个波。但基斯甸臣仍然决定犯规拉低文尼,造成一张不必要嘅红牌。第二係球队嘅集中力,今场切尔西踢得咁被动就係为咗防止后防空虚,压缩文尼沙拿嘅跑动空间。当切尔西进攻时,后防会理所当然地暴露空位,呢一点係无法避免,分别就係球员如何做善后功夫。当时轩达臣係禁区顶可以完全无压力嘅情况下作出长传,证明切尔西球员完成进攻后集中力下降。如果有人对轩达臣逼抢,或係文尼起动时对佢进行干扰,咁呢次单刀机会亦唔会出现。所以呢张牌固然係基斯甸臣所犯嘅错,但亦係全队嘅责任。


https://www.telegraph.co.uk/content/dam/football/2020/09/20/TELEMMGLPICT000239908371_trans_NvBQzQNjv4BqLCG4yHrjQCSMbooQFEjBEQL1tfR4asy0fpL8RAppPaQ.jpeg


打少一人嘅切尔西失去反击嘅能力,利物浦全面进入围攻状态,入球只係时间问题,到49分钟文尼打开纪录之际比赛已经完结。及后不论係基柏嘅失误、佐真奴嘅十二码宴客,其实对比赛来说已无太大意义,只係对车迷嘅雪上加霜。

       

呢场比赛有两个特别想称讚嘅切尔西球员,第一个係云拿。本场比赛云拿作出6次成功盘扭(全场最多),交出1次射门1次key pass,赢得9次ground duels(全场第2多),以及搏到一个十二码。係本场表现沉寂嘅进攻线上,佢仍然係最有威胁嘅一人,即使係比赛落后时仍然积极地向前奔跑尝试製造机会。原本以为佢会係一众新援中适应最耐嘅一个,就而家咁睇佢对球队同英超都融入都几快。

       

另一个更想讚嘅係半场换入嘅托莫利。佢只用咗45分钟,就交出8次解围(全场最多)、2次拦截、2次抢断以及1次射门封阻,亦係切尔西下半场只失1球(唔计派胶啦)嘅主要原因。单论表现,托莫利甚至係本场切尔西最出色嘅守卫。


https://www.hitc.com/static/uploads/2020/09/GettyImages-1273708736.jpg


而本场基斯甸臣同托莫利嘅表现,亦有机会改变切尔西本季嘅中坚pecking order。当泰亚高施华加盟后,切尔西有5名中坚,因此可以预料会有一人离队。托莫利係4人中唯一有offer嘅球员,盛传爱华顿及雷恩都有兴趣借入呢位英格兰中坚。但佢今场表现出色,比预计会留队嘅基斯甸臣更可靠,令人联想到林柏特会否因此而改变主义。值得一提嘅係,今场鲁迪加係无任何伤患嘅情况下缺席18人大队名单,因此係赛前令部份记者怀疑係咪同佢係切尔西嘅前途有关。不过以上所讲皆为猜测,到现时为止仍未传出其余3位中坚嘅转会新闻。

       

输比上季联赛冠军并不可耻,球队亦展现出良好嘅拼搏精神,况且现时只係球赛早段,车迷们唔需要过份失望,更重要係希望球队同林柏特能够吸收呢两场嘅经验。週中有场对班士利嘅联赛杯比赛,会係球队重拾士气嘅好机会。


网站地图

沪ICP备18031952号-11 | Copyright 2014-2020 ©aikanqiu.com, All rights reserved.

免责声明:本站所有直播和视频链接均由网友提供,如有侵权问题,请及时联系,我们将尽快处理。

直播源合作联系方式:aikanqiu@gmail.com