您的位置: JRS爱看球直播 > 英超 > 英超资讯 > 《转会策略》亡羊补牢!曼联五大「待办事项」

《转会策略》亡羊补牢!曼联五大「待办事项」

作者:网络    英超发表于:2020-09-23 10:06


https://i.ibb.co/Z69DF9d/cover.png


英超列强喺武汉肺炎阴霾之下仍然动作多多,唯独曼联依旧按兵不动,事事慢半拍。开咧后首场即刻输畀水晶宫,唔知会唔会令红魔管理层响起警号,痛定思痛,把握最后转会窗机会急起直追呢?

       

五大「待办事项」

       

1. 中场补强 (已完成)

喺阿积士 CEO 云达沙 (Edwin van der Sar) 推动之下,云迪碧克 (Donny van de Beek) 成为曼联暂时唯一一单「顺利」嘅收购。不过佢嘅定位上同普巴 (Paul Pogba)、般奴费兰迪斯 (Bruno Fernandes) 一样都係偏向进攻型,因此未必可以三个同场上阵。

除咗云迪碧克之外,曼联最近亦都有传想喺祖云达斯免费签基迪拉 (Sami Khedira) 翻嚟,不过已经 33 岁嘅基迪拉伤患累累,笔者就唔太睇好啦。

急切度:★★★☆☆

       

2. 右翼补强

曼联右路问题讲到口臭,阵中嘅丹尼尔占士 (Daniel James) 质素唔够,格连活特 (Mason Greenwood) 仍然需要时间成长,而右闸云比沙卡 (Aaron Wan-Bissaka) 亦唔擅于进攻,令右路攻力长期受限。

讲咗成世嘅辛祖 (Jadon Sancho) 因为转会费问题迟迟未能落实加盟,随着时间一日一日过去,右翼嘅选择亦都一个一个咁畀人买哂,就连「高尔夫」巴利 (Gareth Bale) 都落实回归热刺。究竟主理转会事务嘅管理层活华特 (Ed Woodward) 係对签下辛祖太有信心,定係真係冇谂过 Plan B 呢?

急切度:★★★★★

       

3. 中坚补强

曼联中坚人脚虽然多,但可以用嘅嚟嚟去去都係得队长麦佳亚 (Harry Maguire) 同埋连迪路夫 (Victor Lindelof)。拜利 (Eric Bailly) 同洛荷 (Marcos Rojo) 踢一场伤十场,钟斯 (Phil Jones) 唔讲都唔知仲喺到,而史摩宁 (Chris Smalling) 亦都不被重用。

麦佳亚虽然表现未够稳定,但仍然有能力喺曼联稳佔一席,而连迪路夫加盟曼联已经踏入第四季,但仍然都畀唔到大家好大嘅信心,唔够硬净嘅佢喺应付冲撞型前锋上表现相当输蚀,亦有唔少畀对手睇住嚟砌嘅情况出现。

市场上可靠中坚嘅选择并唔多,之前传出苏斯克查想收购嘅尼敦亚基 (Nathan Ake) 亦都已经加盟同市对手曼城,而传闻中嘅乌柏美卡奴 (Dayot Upamecano) 同埋柏奥托利斯 (Pau Torres) 亦价值不菲,相信曼联喺呢个位置补强嘅难度可以话係相当之高。

急切度:★★★☆☆

       

4. 左闸补强

梳尔 (Luke Shaw) 虽然回复健康状态,但就连佢自己都讲话曼联需要买人嚟加强阵容,而且后备班顿威廉斯 (Brandon Williams) 经验尚浅,所以曼联係左闸位置上有一定嘅补强需要。李斯特城嘅捷维尔 (Ben Chilwell) 落实转会车路士,而早前盛传嘅列基朗 (Reguilon) 亦都因为回购条款问题而收购失败,最新目标就转咗去波图嘅泰利斯 (Alex Telles) 身上。

急切度:★★★☆☆

       

5. 清洗冗员

早前传出嘅六人清洗名单,结果暂时只係放得走阿历斯山齐士 (Alexis Sanchez)。到底活华特呢几个月喺咪全程都 Work From Home 呢?

中坚位置嘅洛荷盛传会翻去阿根廷学生队,但仍然都只係听到楼梯声,不过即使卖得出亦相信唔会收得翻好多转会费。而租借到意甲嘅史摩宁表现出色,罗马有意永久签佢走,不过亦因为叫价太高嘅原因仍然未倾得掂。首席文员菲尔钟斯早前传过莫耶斯 (David Moyes) 想买佢翻韦斯咸,不过最后都係冇咗回事,相信要清走佢嘅难度非常之高。

中前场位置嘅连加特 (Jesse Lingard) 最新传出摩连奴 (Jose Mourinho)有意买佢翻热刺,而四不像彭利拿 (Andreas Pereira) 无论喺中场定係翼位嘅出场机会都相当少,食之无味不如早啲放走,补贴买人好过啦。

急切度:★★★★☆

网站地图

沪ICP备18031952号-11 | Copyright 2014-2020 ©aikanqiu.com, All rights reserved.

免责声明:本站所有直播和视频链接均由网友提供,如有侵权问题,请及时联系,我们将尽快处理。

直播源合作联系方式:aikanqiu@gmail.com